Peticion shqip

i qytetarëve shqiptarë dhe qytetarë amerikano-shqiptarë të shqetësuar nga Axhenda Soros e Shpopullimit të Shqipërisë

“Një Thirrje për Ndihmën e Administratës Trump në Shpëtimin e Shqipërisë nga Axhenda Soros”

I nderuar President Trump, përfaqësues konservatorë të popullit amerikan dhe funksionarë të lartë të emëruar për postet e larta të drejtimit të shtetit,

Duke shprehur konsideratat tona më të larta dhe vlerësimin e pakufishëm

Për Ju, i nderuar Zoti President Donald J. Trump,

Me respektin më të thellë, ne, qytetarët shqiptarë dhe përfaqësues të një shoqërie që ndan vlerat e lirisë, demokracisë dhe respektit për të drejtat e individit, ju drejtohemi me këtë peticion për të ndarë shqetësimet tona dhe për të kërkuar mbështetjen tuaj në mbrojtjen e interesave të kombit tonë, që përputhen me vizionin tuaj për një Amerikë të fortë dhe një botë më të drejtë.

Për Ju, i nderuar Senator/Kongresmen Republikan,

Ne ju drejtohemi si mbrojtës i vlerave themelore të lirisë dhe drejtësisë, për të ndarë shqetësimet tona mbi sfidat që përballet kombi ynë dhe për të kërkuar mbështetjen tuaj për adresimin e këtyre çështjeve në përputhje me interesat e përbashkëta të Shqipërisë dhe Shteteve të Bashkuara.

Për Ju, i nderuar anëtar i ekipit të Presidentit Trump,

Me respekt dhe besim në përkushtimin tuaj ndaj shërbimit publik, ne ju drejtohemi për të kërkuar vëmendjen tuaj ndaj situatave që prekin thellë mirëqenien dhe stabilitetin e kombit shqiptar, duke pasur parasysh rëndësinë e një partneriteti të fortë midis Shqipërisë dhe Shteteve të Bashkuara.

Ju lutemi pranoni Urimin e qytetarëve shqiptarë dhe qytetarëve shqiptaro-amerikanë, mbështetës të këtij Peticioni Qytetar, për fitoren Tuaj të jashtëzakonshme dhe shpresë plotë për popujt e botës të lodhur nga axhendat e shoqërisë së hapur, sidomos të popullit tonë në ditët e veta më të këqia të Historisë postkomuniste.

Ne, qytetarët e Shqipërisë dhe qytetarët amerikanë me origjinë shqiptare, ju drejtohemi me këtë peticion për të tërhequr vëmendjen Tuaj duke ngritur zërin tonë ndaj një situate alarmante që po shkatërron themelet e demokracisë dhe të ardhmes së popullit tonë. Shqipëria ndodhet në një krizë të thellë ekzistenciale të shkaktuar nga Axhenda Soros dhe mercenarët e këtij Fondacioni në Shqipëri, por e mbështetur dhe financuar drejtpërdrejtë, nga Ambasada Amerikane dhe politika amerikane në bashkëpunim me rrjetin ndërkombëtar dhe lokal të Shoqërisë së Hapur.

Axhenda Soros ka prekur çdo fushë të jetës publike në Shqipëri, duke përfshirë:

1. Shpopullimin masiv dhe kërcënimin e kombit:

Axhenda Soros për Shpopullimin e Shqipërisë, nëpërmjet një pushteti kuisling të instaluar nëpërmjet një investimi 32 vjeçar (që në 1992 kur u ngrit fondacioni Soros në Tiranë në mauzoleun e diktatorit komunist) ka ideuar, krijuar dhe zbatuar politika që qëllimisht po përdorin çdo mjet për të detyruar shqiptarët të shpërngulen nga trojet e të parëve të tyre për ti zëvendësuar me emigrantë të huaj nga vendet e Azizë-Juglindore si dhe emigrantët e paligjshëm që nisen nga Afrika drejt Europës. Kjo axhendë është në kulmin e saj dhe pas dëbimit të 1 milionë shqiptarëve në 10 vitet e fundit po shkon drejt pakthyeshmërisë së tretjes përfundimtare të popullsisë së mbetur duke rrezikuar plotësisht stabilitetin social-ekonomik dhe gjeopolitik të vendit duke detyruar në mënyrë të pavullnetshme sa e sa të rinj shqiptarë të që rrezikojnë në rrugët e emigracionit të paligjshëm dhe madje edhe në botën e krimit në Europë.

2. Fshehjen dhe errësimin e realitetit tragjik dhe shkaqeve të krizës ekzistenciale të Shqipërisë e cila po tretet nga shpërngulja masive e qytetarëve shqiptarë prej vitit 2014 drejt emigracionit të paligjshëm dhe të ligjshëm në vendet e Europës dhe Amerikën Veriore.

Prej vitit 2013 ka një kontroll të plotë censurues mbi çdo raportim ndërkombëtar mbi realitetin e tmerrshëm të shpopullimit të Shqipërisë, kapjes totale të shtetit, shoqërisë civile dhe medias si nga institucionet publike dhe private amerikane, rrjetet civile dhe mediatike të shoqërisë së hapur të koordinuara nga Fondacionet Soros. Denoncimi nga individë, aktivistë, gazetarë dhe lëvizje qytetare i axhendës Soros të Shpopullimit (madje për 1 dekadë edhe vetë i procesit të shpopullimit) është shtypur dhe censuruar si një teori konspiracioni ndërkohë që sot është në dyshim nëse Shqipëria do të ketë më popullsi aktive brenda 10 vjeçarit të ardhshëm të cilat sipas projeksioneve të pacensuruara parashikon një Shqipëri me më pak se 1 milionë banorë brenda vitit 2035, me 60% të popullsisë mbi moshën e pensionit. Ndërkohë sipas politikave aktuale të qeverisë socialiste nën influencën totale të Soros, po projektohet ardhja në Shqipëri e mbi 1 milionë emigrantëve nga vendet e Azisë Juglindore (Bangladeshi, Indonezia, India, Filipinet, etj) për të zëvendësuar popullsinë shqiptare të ikur. Pika kulmore e fshehjes dhe censurimit të këtij realiteti është manipulimi i plotë i censusit të vitit 2023 me ndihmën e shëmtuar të shumë institucioneve ndërkombëtare dhe të shoqërisë civile dhe mediave të kontrolluara nga Soros. Përgatitja e Raporteve ndërkombëtare të Freedom House, Transparence International dhe ato të Komisionit Europian për Shqipërinë janë të kompromentuara për shkak të angazhimit rutinor prej vitesh të njerëzve të lidhur me fondacionin Soros apo me interesa korruptive duke e paraqitur Shqipërinë thjesht si një vend pjesërisht i lirë ndërkohë që realiteti tragjik flet për një vend nën gjenocid të llojit të ri ku qeveria me mbrojtje ndërkombëtare të Familjes Soros ushtron çdo mundësi për tua bërë jetën të pamundur shqiptarëve për ti detyruar të ikin nga vendi dhe Pushteti po eksperimenton me dëshpërim çdo lloj mundësie për ti zëvendësuar shqiptarët me emigrantë të huaj nga Azia Juglindore dhe vende të tjera.

3. Kanabizimin dhe trafikun ndërkombëtar të drogës

Me mbështetjen dhe mbulimin ndërkombëtar edhe të Ambasadës Amerikane, qeveria e drejtuar nga Soros dhe me mbulim të plotë propagandastik nëpërmjet raporteve të rreme të publikuara nga Fondacioni Soros) orkestroi kanabizimin e plotë të Shqipërisë në vitet 2014-2017, duke e orientuar atë pjesë të shoqërisë që kriminalizoi kjo Axhendë drejt trafikut ndërkombëtar dhe lokal të kokainës në Europë dhe për këtë mjafton tu referoheni numrit të shqiptarëve të burgosur për këtë veprimtari në burgjet e të gjithë Europës dhe madje dhe të Ekuadorit në vitet 2013-2024. Këto veprime kanë kriminalizuar ekonominë, kanë shkatërruar rendin publik dhe cenuar stabilitetin politik në rajon.

4. Kapjen e drejtësisë nga Reforma Soros

Reforma në Drejtësi, e ideuar nga rrjeti Soros dhe mbështetur financiarisht nga Ambasada Amerikane me kërkesë të Geroge Soros, ka shkatërruar aksesin e qytetarëve në drejtësi duke shkatërruar dhe instrumentalizuar politikisht nga familja Soros edhe më tej drejtësinë e korruptuar shqiptare. Shqipëria pas miratimit të kësaj reforme të blerë me paratë dhe shantazhet e Soros, ka rënë në Indeksin Botëror të Sundimit të Ligjit, nga vendi i 52-të në vitin 2015 në vendin e 83-të në vitin 2024, (dhe në indeksin e kontrollit nga ekzekutivi, ra nga vendi i 52-të në vitin 2015 në vendin e 106-të në 2024) duke treguar dështimin total të paralajmëruar të kësaj reforme. Sot në kundërshtim me çdo ligj dhe në shkelje të hapur të Kushtetutës, gjykatat civile shqiptare me mbrojtjen e strukturave qeverisëse të gjyqësorit të drejtuar fizikisht nga njerëzit e Fondacionit Soros refuzojnë në mënyrë arbitrare pa asnjë justifikim sado të vogël, të regjistrojnë organizata politike që kërkojnë të denoncojnë Axhendën Soros. Ky është cënim i parimeve themelore kushtetuese dhe universale të lirisë së fjalës dhe shkeljeve të lirive themelore politike kushtetuese dhe është realitet i ri i prodhuar nga kapja e drejtësisë pas nisjes së Reformës Soros në Drejtësi.

5. Promovimin e imponuar të axhendave woke, instalimin e institucionit të censurës ndaj lirisë së fjalës, frikësimin dhe persekutimin e aktivistëve dhe qytetarëve që i përkasin apo përkrahin ideologjisë konservatore

Axhenda woke e Shoqërisë së Hapur e mbështetur dhe e sponsorizuar edhe nga Ambasada Amerikane dhe organizatat amerikane të financuara nga paratë e taksapaguesve amerikanë, ka promovuar ideologjinë LGBQTI+ në shkolla dhe ka inkurajuar hapur ndërmarrjen e iniciativave ligjore dhe rregullatorë për të cenuar identitetin gjinor të fëmijëve, të goditjes së institucionit të shenjtë të familjes dhe sidomos të financimit me taksat e shtetasve amerikanë të ndërtimit të një rrjeti represiv censure ndaj çdo rezistence konservatore, tradicionale dhe madje dhe fetare të prindërve dhe aktivistëve konservatorë (të ngjashme në Shqipëri veç me kohën e komunizmit) të gjoja luftës kundër gjuhës së urrejtjes, homofobisë, dizinformimit, keqinformimit dhe shumë shpikjeve woke duke krijuar një klimë shtypjeje surreale orwelliane. Financimi me paratë e taksapaguesve amerikanë për krijimin dhe funksionimin e organizatave dhe strukturave që censurojnë fjalën e lirë dhe shtypin mendimin konservator, ka krijuar një klimë armiqësore ndaj lirisë së fjalës, demokracisë dhe pluralizmit duke arritur kulmin edhe me shpalljen e pabazë, të manipuluar por të dështuar të listave të zeza “të ekstremizmit të rrezikshëm” për kritikët e Fondacionit Soros.

6. Përshkallëzimin në rritje të korrupsionit, varfërim masiv dhe kapjen totale të shtetit duke krijuar një oligopol të një grushti biznesesh që kontrollojnë nëpërmjet favoreve dhe privilegjeve që ofron Qeveria në këmbim të mbështetjes së tyre pa kushte.

Shteti shqiptar është një ndër shtetet më të korruptuara në Europë dhe pushteti është i përqendruar në duart e Kryeministrit Edi Rama dhe njerëzve të Soros pranë tij, të cilët janë një investim i hapur, i drejtëpërdrejtë, i pamohuar, i Familjes Soros. Në Shqipëri nuk ka liri ekonomike, barazi konkurimi dhe siguri juridike për ata që nuk mbështesin pushtetin, pasi shteti është kthyer në një instrument represiv në partisë në pushtet.

Ndërkohë që paratë e taksapaguesve amerikanë dhe influenca e institucioneve shtetërore amerikane, janë kanalizuar për të financuar drejtpërdrejtë Fondacionin Soros dhe njerëzve të tij nëpërmjet spin-off-eve të krijuar zyrtarisht apo de facto të tij, duke u bërë instrument i fuqizimit artificial të kapjes nga Fondacioni Soros të Shtetit, Drejtësisë, Shoqërisë Civile, Medias dhe madje edhe zyrave dhe programeve organizatave dhe zyrave diplomatike të vendeve të ndryshme që operojnë në Shqipëri.

7. Shqipëria nuk është një vend pjesërisht i lirë, por një diktaturë moderne e shoqërisë së hapur me fasadë imazhi demokratik e kuruar dhe mbrojtur nga influenca e Familjes Soros në çdo institucion ndërkombëtar, media dhe shoqërinë civile.

Sistemi politik në Shqipëri është një eksperiment i frikshëm i Familjes Soros ku demokracia është thjesht një fasadë ndërsa realiteti është dëshpërues dhe i pashpresë pasi një makineri unike në botë, gjigande për përmasat e Shqipërisë e të ashtuquajturit “patronazhim” që kontrollon paraprakisht çdo votë nëpërmjet përdorimit të çdo mjeti politik, parapolitik, jashtëpolitik, ekonomik, juridik, gjyqësor, policor, mediatik, privat, inteligjent, dixhital dhe kriminal. Shqiptarët e dinë rezultatin e zgjedhjeve para zgjedhjeve për shkak të kontrollit të hapur antiligjor që kryen kjo makineri gjigande patronazhimi e cila përdor çdo burim shtetëror. Opozita është e shkatërruar dhe e kontrolluar për shumë shkaqe por edhe me ndihmën e administratës amerikane për shkak të influencës së Soros në Departamentin e Shtetit. Shumica e televizioneve nën kontrollin e klientëve të Qeverisë, censurojnë prej 2 dekadash narrativën dhe aktivistët antisoros dhe atë të ekzistencës së një axhende shpopullimi. OJFtë lejohen të ekzistojë, të regjistrohet apo të financohet nga burime ndërkombëtare për aq sa ato nuk kritikojnë Axhendën e Shpopullimit dhe rolin e Fondacionit Soros, ndërsa rrjeti civil i Soros përfiton çdo burim financiar, influencë dhe mediatizim duke uzurpuar plotësisht sferën publike dhe shoqërinë civile. Aktualisht Fondacioni Soros prej 2 vitesh po krijon parti të reja politike të kkojit spinoff me njerëzit e vet, duke përdorur si burime ushqyese njerëzore, financiare, ekspertizë çdo OJF, media dhe vetë Ambasadën Amerikane për të marrë nën kontroll elektoratin e zonës gri për të përfunduar për 4 vitet e ardhshme dhe për të penguar influencën e forcave të reja konservatore antisoros, me qëllim për të garantuar me kontrollin parlamentar vazhdimin e Axhendës Soros për Shpopullimin e Shqipërisë në epokën e Axhendës 47 të Presidentit Donald J. Trump.

Çfarë kërkojmë nga Administrata Trump?

1. Krijimin e kushteve të komunikimit të drejtpërdrejtë me ligjvënësit dhe përfaqësuesit e administratës së re trumpiste amerikane nga aktivistë denoncues të Axhendës Soros për të përcjellë raporte alternative mbi Axhendën Soros të Shpopullimit të Shqipërisë dhe rolit të institucioneve amerikane nga viti 2008 deri më sot.

2. Inicimin e hetimit të ndikimit politik dhe financiar të institucioneve amerikane në fuqizimin dhe financimin e rrjetit të shoqërisë civile të Familjes Soros në Shqipëri si dhe ndalimin e fondeve për këto rrjete për shkak të impaktit kriminal që kanë pasur dhe kanë në implementimin e Axhendës Soros për Shpopullimin e Shqipërisë dhe rolit agresiv që ato po luajnë për të ndikuar rezultatin e Zgjedhjeve Parlamentare të vitit 2025 për të kontrolluar pakënaqësinë publike në favor partive spion-off-e të sponsporizuar nga Fondacioni i Shoqërisë së Hapur dhe partnerët e tij.

3. Rishikimin e mbështetjes dhe influencës së SHBA për Reformën në Drejtësi, e cila ka reduktuar në mënyrë të pakrahasueshme aksesin e qytetarëve të thjeshtë në drejtësi, (përfshi dhe të shtetasve shqiptaro-amerikanë), ka përshkallëzuar dhe përkeqësuar edhe më tej korrupsionin (sipas Indeksit Botëror të Sundimit të Ligjit korrupsioni e zbriti Shqipërinë nga vendi i 78-të në vitin 2015 para Reformës Soros, në vendin e 107-të në vitin 2024) dhe sidomos instrumentalizimin politik të drejtësisë nga partia në pushtet dhe njerëzit e Soros në qeverisjen e gjyqësorit që janë po ata që pagoi Soros për ta bërë Reformën për të emëruar veten e tyre në pikat kyçe.

4. Hetimin, ekspozimin dhe vendosjen e sanksioneve të Shtetit Amerikan (për cenim të influencuar të lirive themelore kushtetuese dhe universale politike dhe dëmtim të imazhit të ndihmës amerikane për Shqipërinë) ndaj gjyqtarëve dhe drejtuesve të institucioneve të qeverisjes së gjyqësorit, që në paligjshmëri pengojnë arbitrarisht regjistrimin e OJFve dhe potencialisht për pasojë edhe të partive të spektrit konservator (që denoncojnë axhendat Soros dhe mbrojnë vlerat tradicionale).

5. Ndërprerjen e financimeve dhe presionit amerikan në Shqipëri në favor të axhendave dhe propagandës woke që cënojnë vlerat tradicionale dhe formimin psiko-social të fëmijëve shqiptarë të cilat kanë rritur përtej çdo pritshmërie pakënaqësinë publike ndaj rolit të SHBAve në Shqipëri, të pjesës më proamerikane në Shqipëri.

6. Auditimin e programeve dhe organizatave të financuara nga taksapaguesit amerikanë që zbatojnë dhe inkurajojnë censurën dhe heshtjen e zërave konservatorë nëpërmjet marrëveshjeve të sponsorizuara apo influencuara nga Fondacioni Soros si dhe Ambasada Amerikane me korporatat e mediave sociale dhe rrjetet ndërkombëtare të fact-checking (META, TikTok, Youtube, etj) si dhe programet dhe organizatat që trajnojnë apo mbështesin gazetarët duke influencuar dhe imponuar atyre si rrugë të vetme drejt karrierës konvertimin e tyre në “Social Justice Warriors” të cilët përdoren për të shtypur zërat dhe heshtur narrativën konservatore apo antisoros.

7. Heqjen e ndalimeve dhe diskriminimit politik 12 vjeçar (që nga 2008 deri në 2024) që realizojnë de jure dhe de facto institucionet amerikane brenda dhe jashtë Shqipërisë ndaj aktivistëve dhe gazetarëve, intelektualëve dhe politikanë shqiptarë që janë të pozicionuar në spektrin politik dhe ideologjik konservator, pavarësisht proamerikanizmit dhe aq më shumë protrumpizmit të tyre të njohur në jetën publike shqiptare.

8. Ndihmesën me praninë e vëzhguesve amerikanë nga institucionet përfaqësuese dhe organizatave konservatore amerikane për monitorimin e fushatës zgjedhore dhe vetë ditës së votimit, jashtë ndikimit të shoqërisë civile të Soros, për të ekspozuar dhe denoncuar manipulimet e pushtetit sorosian në favor të partisë në pushtet dhe kukullave opozitare të reja të krijuara nga Soros me qëllim kapjen përfundimtare dhe vrarë shpresën e shqiptarëve për shpëtim.

9. Ofrimin e institucioneve, organizatave dhe ekspertëve amerikanë, të specializuara për të verifikuar dhe vlerësuar impaktin e Axhendës Soros për Shpopullimin e Shqipërisë duke propozuar hapa konkrete për ndalimin e kësaj axhende dhe ndërmarrjen e reformave thelbësore për rivitalizimin e shoqërisë shqiptare për ta bërë Shqipërinë përsëri shtëpinë më të mirë në botë për shqiptarët dhe të mos kenë më nevojë të braktisin vendin e tyre.

10. Përfundimin e pakënaqësisë së opinionit publik shqiptar për politikën e SHBA duke e informuar opinionin publik shqiptar se politika e Shteteve të Bashkuara të Amerikës dhe DASH, nuk ka asnjë lidhje me Axhendën Soros, dhe tashmë shqiptarët dhe Shqipëria nuk do të trajtohen nga DASH dhe SHBA sipas preferencave të familjes Soros.

Ne besojmë se nën udhëheqjen Tuaj, me kontributin e të gjithë përfaqësuesve republikanë në Senat, Kongres dhe Administratën e re, SHBA mund të rishikojë politikat e saj ndaj Shqipërisë në raport me influencën e deritanishme të Familjes dhe fondacioneve Soros, duke sjellë një ndryshim që do të ndihmojë pa masë në rikthimin e shpresës dhe dinjitetit në vendin tonë.

Shpresojmë gjithashtu, që ky Peticion, sado periferike të duket Shqipëria në angazhimet e jashtëzakonshme të administratës së re Trump në këto ditë të vrullshme, të mund të ofrojë një kontribut sado modest, në ndihmë të vlerësimit të dëmit që ka sjellë Familja dhe Rrjeti Soros në politikën e jashtme amerikane (duke u vetëidentifikuar në mënyrë të rreme herë pas here me vetë politikën e SHBA) në vende të vogla por aleate të përhershme të SHBA.

Ju falënderojmë pa masë për kohën dhe vëmendjen Tuaj për njohjen me këtë çështje kritike për kombin tonë, duke besuar pa asnjë dyshim se MAGA do të rrisë shpresën, fuqinë dhe lirinë e qytetarëve kudo në botë.

Me respekt,

Qytetarët Shqiptaro-amerikanë, qytetarët shqiptarë që banojnë në Shqipëri, dhe qytetarët shqiptarë të detyruar për tu larguar nga vendi amë për shkak të Axhendës Soros për Shpopullimin e Shqipërisë.

Emrat e mbështetësve të Peticionit si më poshtë